Sentyabrın 1-də Ağdaş Rayon İcra Hakimiyyəti başçısının Ağdaş şəhər inzibati ərazi dairəsi üzrə nümayəndəliyi, Ağdaş Bələdiyyəsi, Ağdaş Kommunal Müəssisələri Kombinatı, Ağdaş Mənzil Təsərrüfatı İstehsalat İstismar Təmir Müəsissəsi və Ağdaş Rayon Polis Şöbəsinin əməkdaşları ilə birlikdə Ağdaş şəhəri ərazisində növbəti reyd keçirilib.
Aparılan reyd nəticəsində şəhərin Heydər Əliyev prospektində iməcilik təşkil olunmuş, ərazinin sanitar-gigiyenik vəziyyətinin yaxşılaşdırılması və abadlaşdırılması məqsədilə təmizlik işləri aparılmışdır. Ticarətlə məşğul olan sahibkarlarla ətraf mühitin çirkləndirilməməsi və şəhərin görünüşünün pozulmaması barədə ətraflı profilaktik söhbətlər aparılmış, yaranan suallar cavablandırılmış və verilən təkliflər dinlənilmişdir.
